الشرح التفصيلى لشيرنج النيوكامد لكروت الستلايت من Dr-Net

[angelالمدير العام]

اليوم حبيت اعمل لكم شرح بسيط كدة على أدى وان شاء الله يكون كافى لتوضيح طريقة الشيرنج على سيرفرات النيوكامد باستخد ام كروت الستلايت
طبعا الشرح هيشمل عملاقين البرامج البروج والماى ثييتر مع بعض
لأن فعلاً الخطوات واحدة مالهاش علاقة بالبرنامج المستخدم
ببساطة جدا كل اللى محتاجينه 3 حاجات:
:icon26: برنامج البروج او ماى ثييتر (حملهم من قسم برامج كروت الستلايت لو مش عندك)
:icon26: بلاجن الشيرنج واسمه WinCSC وهتلاقوه مرفق هنا
:icon26: اشتراك فى اى سيرفر نيوكامد
يلا نبتدى مع بعض..........................................
:icon26: حط الملف المرفق جوة فولدر البروج نفسه لو بتستخدم البروج وجوة فولدر Plugins لو بتستخدم ماى ثييتر
:icon26: افتح البرنامج بعد كدة علشان بقى نتعلم ازاى ندخل بيانات السيرفر للبرنامج وازاى نشغله
:icon26: لو بتستخدم البروج من قايمة Plugins اختر WinCSC هتتفتح قايمة تانية اختر منها Monitor
https://2img.net/r/ihimizer/img22/2588/progmain3mu.jpg
:icon26: ولو بتستخدم ماى ثييتر كليك يمين على شاشة عرض القناة واختر Plugins ثم WinCSC فقط بدون قوايم فرعية
https://2img.net/r/ihimizer/img22/9941/mytheatre8pm.jpg
:icon26: بعد كدة هتتفتح شاشة البلاجن اول حاجة اتأكد انك مفعل البلاجن بوضع علامة صح على كلمة Enabled قى اعلى شمال الشاشة
:icon26: و دوس زرار Add علشان بقى نضيف بيانات السيرفر الجديد
https://2img.net/r/ihimizer/img22/2854/wincscempty2ur.jpg
:icon26: بعد كدة هتتفتح شاشة اضافة سيرفر
لازم نكون محضرين بيانات السيرفر وهى :
-عنوان السيرفر او IP او Host
-يوزر نيم UserName
-باسوورد Password
-الديسكى الخاص بالسيرفر DesKey وهو غالبا بيبقى 0102030405060708091011121314
-رقم البورت
:icon26: ونحطها فى شاشة اضافة السيرفر و فى خانة اسم السيرفر اكتب الأسم اللى يريحك مش مشكلة ده خالص بالشكل التالى
https://2img.net/r/ihimizer/img22/1462/serverin7sr.jpg
بس نتأكد من اختيار البروتوكول NewCamd والاصدار 5,25
:icon26: وندوس على Add Port علشان نضيف رقم البورت المطلوب
:icon26: هتتفتح شاشة صغيرة لاضافة بورت نكتب رقم البورت المطلوب وبعدين ندوس على Get Card Data
https://2img.net/r/ihimizer/img22/9141/addport2mr.jpg
:icon26: هنستنى شوية لحد ما يتكتب رقم بالأخضر فى خانة CAID وبيبقى 604 فى حالة باقات الارديتو زى اشوتايم و ART ونوفا و 100 فى حالة باقات السيكا او الميدياجارد زى الأوربت و سيفرا + و D03 فى حالة باقات الكريبتووركس زى الديجى ترك و 500 فى حالة باقات الفياكسس زى الأرابيسك وغيرها وغيرها
وقدامها هيتكتب نوع التشفير بالأسود Irdeto او Seca أو Cryptworks أو Viaccess
https://2img.net/r/ihimizer/img22/5949/portadded1kd.jpg
:icon26: نقدر ساعتها ندوس OK
:icon26: :icon26: :icon26: كرر موضوع Add Port فى الخطوتين اللى فاتوا فى حالة ان السيرفر له اكتر من بورت وفى كل مرة ندوس OK
:icon26: بعد اضافة البورتات دوس OK فى شاشة اضافة السيرفر هتنص تلاقى نفسك خرجت على شاشة البلاجن الرئيسية مع وجود اختلاف بسيط وهو ان النص التحتانى للشاشة دى اصبح مكتوب فيه حاجات يعنى مش فاضى زى الأول
:icon26: علشان تريح نفسك من وجع القلب يفضل انك تختار طريقة الاتصال Auto من الاختيارات فى نص الصفحة و اختر نوع العرض حسب نوع التشفير CAID بالشكل ده
https://2img.net/r/ihimizer/img22/4706/wincscserver6vh.jpg
طيب فى حالة سبتها Fixed :كل ماهنالك ان كل مرة تشغل فيها البروج او الماى ثييتر هتحتاج تعمل DoubeClick على اسم السيرفر من نص الشاشة التحتانى اللى فى الصورة وكل ماتحول من باقة للتانية هتحتاج تعمل DoubleClick على اسم السيرفر بتاعها او البورت بتاعها و هيصة................خليه Auto احسن وريح دماغك
بعد كدة اقفل شاشة البلاجن وكل اللى هتعمله انك تشغل القناة المطلوبة وعلى حسب سرعة الانترنت عندك وسرعة السيرفر اللى انت متصل عليه هيكون التشغيل
فى سيرفرات هتشتغل فى ظرف 3 ثوانى والبعض قد يحتاج ل 15 ثانية فى اول مرة
https://2img.net/r/ihimizer/img22/2973/fin3rm.jpg

[باربيمراقب عام]

الشرح التفصيلى لشيرنج النيوكامد لكروت الستلايت من Dr-Net

الشرح التفصيلى لشيرنج النيوكامد لكروت الستلايت من Dr-Net

الشرح التفصيلى لشيرنج النيوكامد لكروت الستلايت من Dr-Net