هل اترك البيت ام ماذا افعل

[angelالمدير العام]

انا فتاه عمري 23 سنة متزوجة منذ 3 سنوات وعندي طفلين وزوجي عمره 29 سنة كنا عايشين حياتنا ولا احلى من هيك لحد ما بلش زوجي يختلف كلامة وتصرفاتة وطبعا اكتشفت انة ع علاقة ببنت اول شي عملتة لمت حالي ودورت ع الاسباب اللي خلتة يتجه لحدا ثاني وخاصة انة كان يحبني كثير واتزوجنا عن حب المهم بلشت اغير واجدد ابتداء من ديكور البيت طريقة اللبس قصة الشعر................الخ طبعا ما فرق معاة اشي



لما يجي ع البيت يحكيلي انت حبيبتي الاولى والاخيرة ولما يطلع من البيت يظل مشغول مع البنات ما تستغربو ؟طبعا لانة صار يحكي مع اكثر من وحده وهان قررت اني اصارحة واواجهة وفعلا اعترف وصار يتعذر ويستسمح والله العظيم انة صار يبكي ف سامحته ووعدني انة بعمرة ما يعيدها ومرت الايام ورجع لنفس القصة هددتة اني رح اقتل حالي وما اكترث وصار يزيد كل يوم يحكي مع بنت شكل ما خليت اسلوب ترهيب و ترغيب ولا اي طريقة بس كلة ما نفع معاة لجأت لواحد من اصحابة الثقة وبالفعل الزلمة حكى معاه باسلوب غير مباشر بس نفس الشي يكن ويعقل شوي وبعدين يرجع يحكي صار عني فضول اعرف ليش يحكي مع البنات شو يحكي المهم انتحلت شخصية بنت وحكيت معاة ع اساس مخربط بالرقم والله لا يفرجيكو بلش يرن ويبعث مسجات طبعا تهربت من الرد خوف من اني ما اقدر استمر بتغير صوتي وطلبت انة بس اراسلة بالمسجات وهدفي اعرف غايتة من الحكي مع البنات.



وياريتني ما عرفت كانت صدمة كبيرة.. كان جاي ع بالي اتصل بس ما قدرت طبعا قررت انسحب بحجة انة رصيدي خلص فتفجأت انة مباشرة حوللي رصيد قمت اغلقت الخط ونمت بحسرتي وثاني يوم لجات لاخوة بس ماعمل اشي وطلب مني اني اصبر واحتسب لعل الله يهدي حالة انا اليوم ابعث هذه الرسالة بعد ما قررت اترك البيت

ماذا افعل اريد ان تساعدوني ؟؟؟

[angelالمدير العام]

هل اترك البيت ام ماذا افعل

[نورنائبة المدير العام]

ما تتركي البيت و حاولي انك تبقي تحكي معه على التلفون على اساس انك
معجبة و املئي كل وقته هيك بتضمني شوي انه ما رح يحكي مع غيرك

[Reninعضو ذهبي]

رايي من راي نادين
انها تستمر معه عالتليفون لحتى يتعلق فيها وما يستغني عنها ...
وبالوقت المناسب تعرفه عن حقيقتها
ليكتشف لحاله انو اللي بدور عليه برا البيت موجود عنده
واصبري فترة ولا تدخلي حد بالموضوع


الله يهدي ويرجع المودة والحب بينكم

[باربيمراقب عام]

الحل انك تروحي عند دار اهلك لفترة شهر او شهرين وما تحكي معه .. لغاية انه يحس بقيمتك واذا ما توصلتوا لحل او تغير الطلاق هو الحل النهائي

[باربيمراقب عام]

هل اترك البيت ام ماذا افعل