ينساب له قلبي ليا قال _ قوا

[angelالمدير العام]

مسـائكم معطر بالياسمين .. والريحانـ

أتشرف بتواجدي المشرف بينكمـ .. فأتمني أن يطيب لكم مقامي بينكم

.. للشـوق .. نضوجهـ الذي يجعلني أتتبع خـُطـا أحبابي ..

وللبعـد .. سيوفه التي تحاصرني دون هذا الشـوق .. فأحبتت المغامره

والتضيحة على الاستسلام لذلك البعــد ..

لكم كما أحبت أن تكون ...





الله يـا حـب ٍ طوتـه الرجـاوي


مابيـن جـاك البعـد وإلا تــروا


اللي يحسب اني على البعد قـاوي


قولوا له اللي بخاطرك صدق سـوا



لا صار بعدك من على الصدر داوي


الله يعين القلـب يصبـر و يقـوا


دام الرشا مقطـوع دون العـراوي


وشلون قلبي عن ظما الحظ يـروا



الغاويه مـا تبتغـي كـود غـاوي


وأنا عن دروب الردي بـي مـروا


لا شفت درب ٍ فيه شلـة بـلاوي


جنّب وكـل ٍ شـارب ٍ مـد دلـوا



وليا ابتلاك اللي عليـه الدعـاوي


كل ٍ على ما قيـل نفسـه تهقـوا


أطلع وعرشك يا سليـل النـداوي


متسيس ٍ دايم علـى راس علـوا



والبارحه يالبعد يوم انـت عـاوي


مريت بيتـك دون ضـي ٍ وخـوا


ما كن في دربك سوا ريح جـاوي


حتي سرابك صار لـي تقـل نـوا



يالبعد بالله وش لنا صـدق نـاوي


يوم أنت حديت الخفـوق ايتقهـوا


قال : أٌقترب والليل ما فيه ضـاوي


كـب الغـرام و جرعـه نـار دوا



من قبل لا تسري عليك الحكـاوي


والعذر ما يرضي ترى بنـت حـوا


اترك غلاهن واجتنب كـل هـاوي


ما دام قلبـك سالـك الـدرب تـوا



قلت: ابتعد والقلب ما هو بخـاوي


في شوفتـك متعكـر ٍ حيـل جـوا


وجدي على اللي ما بحبـه دنـاوي


ينساب له قلبي ليا قــال ( قـوا )


اللي سنا غرتـه خلـف الغطـاوي


يجهر جمال البـدر لا شـع ضـوا


غصنه على جـال الينابيـع راوي


نضجا ثمـاره منـه قلبـي تشـوا



إليـا تباطانـي يعـس الحـراوي


يحـط لـي عـذر ٍ ودربـي تلـوا


بصبر عشانه و النـداوي نـداوي


متسيس ٍ دايم علــى راس علـوا

[angelالمدير العام]

ينساب له قلبي ليا قال _ قوا