اشعار حامد بن زيد

[باربيمراقب عام]

[باربيمراقب عام]

أبوصلك وأنـا جنبـك ولانـي قـادر أوصلـك
غريبـة كيـف نتلاقـى وأنـا ويـاك مفترقـيـن


أنـا صابـر ع بعضـك لكـن منتظر كـلـك
حسافة ضعت في بعضك ولا أدري بس اجيك منين


أجيك يمين رحت يسـار اجيـك يسـار وماأدلـك
أضيعك بين لحظاتـي ولحظاتـي تضيعـك بيـن


حنانك صوتك وطيفـك ولابعدهـم يجـي ظلـك
وأنا من ظلك أقرب لـك تخيـل صارلـك ظليـن


غرامك درس في عمري وتهت كثير أنـا بحلـك
ولا أدري منهجك يكفي اذا بدرسه عشـر سنيـن


تبي شاعر تبي مطرب تبـي ألحـان الحـن لـك
أنا راضي الحـن لـك أغانـي قلبـك المسكيـن


لأنك مختلف جدآ ... ومافي مـن البشـر مثلـك
شقارن فيك ويا الناس ..انـت ويـن وهمـا ويـن


واذا ترضـى على ذلـي..أنـا لايمـكـن أذلــك
واذا أنت صرت ابو وجهين انا ماني ابو وجهيـن


مؤدب..محتـرم نفسي..قبـل تذكرنـي قايـلـك
ترا يا (فلان) لاتحاول معي تلعب علـى الحبليـن


انـا مانـي مثـل غيـري تعذبنـي وأصفقـلـك

تبي تواجهني واجهني وسن بسـن وعيـن بعيـن


اجرحني وفارقني ترا احسن لـي وأحسـن لـك
خلني عاد لا تقرب وحتـى اذا بيننـا شبـرين

[باربيمراقب عام]

كتبت الشعر مو لجلك.... ولكن فااااض بي بركان

واما إنتي فلا تسوين قصيده في نظر عينــــي...

حلفتي لي تصونيني إذا صار الزمن خــــوان

وأول ماعثر حظي على دربك خذلتـــيــــنــي...

كسر رمح الزمن صدري وجيتك أشتكي حيران...

نزعتي الرمح من صدري وفي ظهري طعنتيني !!

خساره كيف حبيتك؟نعم والله أنا ندمـــــــــــان...

غبي أدري! نعم أدري !مادام إنك سكنتيــــني...

ثلاث سنين من عمري وأنا في لعبتك غرقان..

أشيل الشوك من دربك وجرحي كان يدميني

وكنت أبكي إذا تبكين وأكون لبسمتك فرحان

وكنت أقرب من رموشك لعينك يوم تبغيني

عرفتك للأسف صحراااا...وحولّتك إلى بستان

وشلتيني غصن أخضر وفي صخرك زرعتيني

حفرتك داخلي ,ظني تصوني عشرتي أزمان

وكنت أحفر قبر موتي على ساحل شراييني

على كف الشقا نامت جروحي والألم سهران

يحطمني ...يبعثرني..وفي صحراك يرميني

ولكن عزتي ترفض أكون بدنيتي سلطان

وإن ظنك أجي أركع لرجلك ماعرفتيني

أنا ماعادتي أشحت من أمثالك رضا وإحسان

أموت بعزتي أرحم ولا ذلك يغطيني

ومادام الوفا عندك يدوّرله على عنوان

بدوّر لي على قلب يصون الحب وسنيني

ولو قلبي ذكر حبك بولّع فيه بالنيران

وأبكسرها أنا رجلي إذا صوبك تودّيني

و لودار الزمن ضدك وجيتي تطلبي الغفران

وجبتي الشمس في كفك لعندي مابتلقيني

تقول الناس في وصفك: جميله ...مثل عود البان

وإنك أجمل وأحلى بشرمخلوق من طيني

وإنك غاليه وأثمن من الياقوت والمرجان

يقوم الكون من شانك وتقعد لك بلاديني

حسافه غرّهم شكلك وياما تخدع الألوان

عموما ...قد بقت كلمه أخيره لك وسمعيني:

*إذا كنتي بنظر غيري ملاك في شكل إنسان